[Aðeins tvennt er óendanlegt, alheimurinn og heimska mannanna. Ég er reyndar ekki viss um hið fyrra. -- Albert Einstein]

Fylgstu með okkur:

Fréttir

maí14
Nú er sól, nú er sumar
fimmtudagur, 14. maí 2015 | Kammerkór Hafnarfjarðar skrifaði

Nú er sól, nú er sumarVortónleikar Kammerkórs Hafnarfjarðar verða haldnir næstkomandi sunnudag, 17. maí kl. 20:30. Að þessu sinni verða tónleikarnir eingöngu opnir styrktarfélögum kórsins.

Ásamt kórnum koma fram Hallveig Rúnarsdóttir, sópran og Ástríður Alda Sigurðardóttir og Ingibjörg Þorsteinsdóttir, píanóleikarar.

Á efnisskránni eru meðal annars Vorið eftir Edward Grieg og Ástarvalsar eftir Johannes Brahms. Þorsteinn Valdimarsson þýddi fimm af ljóðunum við valsana sem kammerkórinn flytur við fjórhentan undirleik. Hallveig Rúnarsdóttir syngur svo nokkrar perlur ásamt kórnum og við undirleik Ástríðar Öldu.

Húsið verður opnað klukkan 20:00 og boðið verður upp á kaffi og te.

[Varanlegur tengill á þessa færslu]

Fréttir

Næstu tónleikar
fimmtudagur, 30. apríl 2015 by Kammerkór Hafnarfjarðar
Næstu tónleikar Kammerkórsins verða haldnir sunnudaginn 17. maí kl. 20:30.
Nánari upplýsingar koma seinna. read more...
Stolin stef í Hafnarborg
miðvikudagur, 4. mars 2015 by Kammerkór Hafnarfjarðar
Næstu tónleikar Kammerkórs Hafnarfjarðar verða haldnir í Hafnarborg sunnudaginn 15. mars, undir  yfirskriftinni Stolin stef. Lögin sem sungin verða á tónleikunum eru öll útsett af Gunnari Gunnarssyni, píanóleikara.

Efnisskráin samanstendur af öllu frá sálmum yfir í djassskotnar dægurlagaútsetningar. Um helmingur laganna er eftir Tómas R. Einarsson, bassaleikara. Því þykir við hæfi að Gunnar og Tómas verði gestahljóðfæraleikarar kórsins á þessum tónleikum.

Stjórnandi Kammerkórs Hafnarfjarðar er sem fyrr Helgi Bragason.

Tónleikarnir hefjast klukkan 20:00. Aðgangseyrir er 2000 krónur.

Við minnum einnig á að alltaf er hægt að gerast styrktarfélagi Kammerkórsins. Fyrir 6000 króna áskriftargjald fást tveir miðar á næstu þrenna tónleika kórsins. Þannig fær styrktarfélagi hvern miða á 1000 krónur. Nánari upplýsingar og eyðublað eru á styrktarfélagasíðunni.


KYNNINGARMYNDBAND:
read more...
Árshátíð 2015
mánudagur, 16. febrúar 2015 by Kammerkór Hafnarfjarðar
Þema árshátíðarinnar 2015 eru hattar og höfuðfötÁrshátíð Kammerkórs Hafnarfjarðar verður haldin laugardaginn 21. febrúar í Bjarkahúsinu að Haukahrauni í Hafnarfirði. (Sjá á korti). Gleðskapurinn hefst klukkan 19:00.

Hver kórfélagi kemur með veitingar til að setja á sameiginlegt hlaðborð. Matarval er frjálst, en gott er að hafa í huga að um einskonar kvöldmat er að ræða. Einnig skal hver og einn koma með sína eigin drykki.

Þema árshátíðarinnar að þessu sinni eru hattar og höfuðföt.

Á árshátíðinni verður sýnt myndband frá Berlínarferðinni síðasta sumar. Einnig má gera ráð fyrir öðrum skemmtiatriðum.

Makar eru hjartanlega velkomnir, sem og gítarar og önnur hljóðfæri. read more...
Næstu tónleikar
miðvikudagur, 4. febrúar 2015 by Kammerkór Hafnarfjarðar
Næstu tónleikar kammerkórsins verða haldnir sunnudaginn 15. mars klukkan 20:00.

Nánari upplýsingar um þá verða gefnar síðar. read more...
Gleðilegt ár
miðvikudagur, 7. janúar 2015 by Kammerkór Hafnarfjarðar
Starfsemin er nú að komast í samt lag eftir jólafrí og verkfall.

Fyrsta æfing ársins 2015 verður haldin í kvöld, 7. janúar, á sama stað og tíma og venjulega. read more...

Atburðir framundan

3. október 2018 kl. 19:30
Tónleikar í Víðistaðakirkju